کراچی(سپورٹس ڈیسک) اپنے دور کے عظیم آل راؤنڈر اور سابق ٹیسٹ کپتان وسیم اکرم کی آسٹریلوی نثراد اہلیہ شنیرا نے کراچی میں جدید ترین اسپورٹس کمپلیکس تعمیر کرنے اور متعدد گراؤنڈز کو معیاری سہولیات سے آراستہ کرنے کی ٹھان لی۔ وسیم اکرم کے والد مرحوم کے نام سے منسوب اکرم فاؤنڈیشن کی چیئر پرسن شنیرا وسیم نے جمعرات کو سوک سینٹر کا دورہ کیا اور کے ڈی اے کے مشیر کھیل ڈاکٹر سید جنید علی شاہ اور ڈائریکٹر اسپورٹس سید کرم عارف سے ملاقات کی۔دوارن ملاقات شنیرا نے کراچی میں کھیلوں کے فروغ اور کھلاڑیوں کو سہولیات فراہم کرنے میں اپنا کردار ادا کرنے کی خواہش ظاہر کی۔شنیرا کا کہنا تھا کہ وہ کے ڈی اے کے تحت شہر کے مختلف علاقوں میں کھیل کے میدانوں کی سرپرستی بھی کرنا چاہتی ہیں۔
بعدازاں شنیرا نے کے ایچ اے اسپورٹس کمپلیکس کا دورہ کیا اور وہاں فراہم کی جانے والی سہولیات پر اظہار مسرت کیا، پھر انھوں نے مختلف میدانوں کا تفصیلی دورہ بھی کیا، ان میں کے ڈی اے اسکیم ون، گلشن اقبال میں اتوار بازار کے عقب اور ایرو کلب کے سامنے کھیلوں کے لیے مختص جگہ بھی شامل تھی
کراچی میں کھیلوں کے فروغ کی خواہاں ہوں، شنیرا
