لیگی قیادت کی ناراضگی کے باعث راولپنڈی حنیف عباسی کو قومی اسمبلی کا لیگی ٹکٹ نہ ملنے کا امکان۔ ممبر صوبائی اسمبلی راجہ حنیف کو این اے 56 سے قومی اسمبلی کا ٹکٹ دیا جانے کا قوی امکان۔ ذرائع کے مطابق سابق وزیر اعظم میاں محمد نواز شریف کی نااہلی کے باعث جب انہوں نے براستہ جی ٹی روڈ لاہور جانے کا فیصلہ کیا تو حنیف عباسی نے میاں نواز شریف کو یقین دہانی کرائی تھی کہ مری روڈ سے گزرتے ہوئے دو رویہ لاکھوں کی تعداد میں اہلیان راولپنڈی آپ کا استقبال کریں گے ۔حنیف عباسی نے لوگوں کو اس بات پر قائل ہی کرتے رہے جس دن میاں صاحب کا گزر مری روڈ سے ہوا تو لاکھوں کیا سینکڑوں کی تعداد میں بھی پنڈی کے شہری باہر نہیں آئے۔ یہ صورت حال دیکھ کر حنیف عباسی کے ہاتھ پاؤں پھول گئے اور وہ روپوش ہو گئے ۔ میاں نواز شریف نے حنیف عباسی کو پنجاب ہاؤس طلب کیا اور باقی ممبران کی موجودگی میں انہیں بے عزت کیا ۔ ذرائع کے مطابق میاں نواز شریف اس بات کو بھول نہیں پائے اور انہوں نے حتمی فیصلہ کیا ہے کہ انہیں راولپنڈی سے ٹکٹ نہیں دیا جائے گا ۔ دوسرا ان پر الفی ڈرین کیس اور میٹرو پراجیکٹ میں کرپشن کے کئی مقدمات ہیں جس کی وجہ سے لیگی قیادت نہیں چاہتی کہ وہ مزید کسی مشکل میں پڑھیں
